8 March 2021  |   सोमवार, फाल्गुन २४, २०७७

गुडिरहेको बसमा आगलागी

मिसनटुडे संवाददाता
प्रकाशित मितिः आइतवार, बैशाख १९, २०७३  

काहेलपुर, बैशाख १९
बाँकेको खास्कुस्मा ४ सौरीमा शनिबार गुडिरहेको बसमा आगलागि भएको छ । नेपालगन्जबाट दाङको तुलसीपुरतर्फ जाँदै गरेको रा १ ख ६९५ नम्बरको बसमा बिहान ११ बजे आगलागि भएको हो ।
बसको छतमा सामान लोड गरिएको र सोही सामानबाट अचानक आगो सल्किएको इलाका प्रहरी कार्यालय कुसुमका इन्चार्ज सई सुरेन्द्र बुढाथोकीले जानकारी दिए ।
‘छतमा सामान लोड गरिएको रहेछ, त्यहाँ भएको लाइटर वा सलाइबाट आगलागी भएको हुन सक्ने अनुमान गरेका छौं’ उनले
भने ।
तर, आगलागी के कति कारणले भयो खास कारण भने खुल्न सकेको छैन ।
आगलागिबाट छतमा लोड गरिएका ९ वटा पूराना साइकल र अन्य सामान जलेको प्रहरीले जनाएको छ । गुडिरहेको बसमा अचानक आगो लागेपछि यात्रु त्रसित भएका थिए । चालकले समयमै बस रोकेका कारण यात्रुहरु भने सकुशल छन् ।
आगलागी नियन्त्रणमा आइसकेपछि गाडीलाई पठाइएको बुढाथोकीले जानकारी दिए ।
बाँकेमा गर्मीयामसँगै आगलागीका घटनामा पनि वृद्धि भएका छन् ।

प्रकाशित मितिः आइतवार, बैशाख १९, २०७३     12:37:00 PM  |

Leave a Reply

Your email address will not be published. Required fields are marked *