सल्यान २६, फागुन
सल्यानमा मोटरसाइकल दुर्घटना हँुदा एक जनाको मृत्यु भएको छ ।
राप्ती राजमार्गअन्तर्गत श्रीनगर थारमारे सडकखण्डको मोखला नजिक रा ३ प ४९८ नम्बरको मोटरसाइकल मङ्गलवार साँझ दुर्घटना हुँदा मोटरसाइकल चालक बागचौर नगरपालिका–३ रारेचौरका ३६ वर्षीय मोहन डिसीको मृत्यु भएको हो ।
रारेचौरबाट खलङ्गातर्फ आउँदै गर्दा मोटरसाइकल दुर्घटना भई सडकबाट करिब १०० मिटर तल शारदा नदीमा खसेको प्रहरीले जनाएको छ ।
दुर्घटनामा परी गम्भीर घाइते भएका डिसीलाई उपचारका लागि श्रीनगर ल्याउँदै गर्दा बाटोमै मृत्यु भएको थियो । मृतकको शव परीक्षणका लागि जिल्ला अस्पताल खलङ्गामा राखिएको जिल्ला प्रहरी कार्यालय सल्यानले जनाएको छ । रासस
प्रकाशित मिति : २०७२ फागुन २६ गते बुधबार
प्रतिक्रिया दिनुहोस्