28 November 2020  |   शनिबार, मंसिर १३, २०७७

गैंडा बर्दिया निकुञ्जमा छाडियो 

मिसनटुडे संवाददाता
प्रकाशित मितिः बुधबार, फाल्गुन १९, २०७२  

बर्दिया निकुञ्जमा छाडियो एउटा गैंडा

फागुन १९

बर्दिया राष्ट्रिय निकुञ्जको बबई उपत्यकामा आज गैँडा स्थानान्तरण गरिएको छ । चितवन राष्ट्रिय निकुञ्जबाट ल्याइएको एउटा गैँडा बर्दिया निकुञ्जमा स्थानान्तरण गरिएको बर्दिया निकुञ्जले जनाएको छ । आज विशेष कार्यक्रम गरेर वन मन्त्री अग्निप्रसाद सापकोटा, राष्ट्रिय निकुञ्ज तथा वन्यजन्तु संरक्षण विभागका महानिर्देशक फणिन्द्रराज खरेलको उपस्थितिमा एउटा गैँडा बबई उपत्यकामा छोडिएको बर्दिया राष्ट्रिय निकुञ्जले जनाएको छ ।

रत्न राजमार्गमा पर्ने बबई पुल नजिक चेपाङ्ग बस्तीबाट झण्डै ६ किलोमिटर दक्षिणपश्चिम क्षेत्रको बबई उपत्यकामा गैँडा छोडिएको बर्दिया निकुञ्जका प्रमुख संरक्षण अधिकृत रमेश कुमार थापाले बताउनुभयो । आज तीन वटा गैँडा स्थानान्तरण गरिने भनेपनि एउटा मात्र गैँडा छाडिएको हो । नेपाल सरकारको निर्णय अनुसार बर्दिया राष्ट्रिय निकुञ्जको बबई उपत्यकामा १५ वटा गैँडा स्थानान्तरण गरिनेछ । फागुन २२ गते थप दुई र फागुन मसान्तभित्र ५ वटा गैँडा ल्याइने निकुञ्जले जनाएको छ । बाँकी क्रमबद्ध रुपमा ल्याइनेछ ।

बर्दिया निकुञ्जमा अहिले २९ गैँडा रहेको तथ्यांक छ । यसअघि पटकपटक गरी चितवन राष्ट्रिय निकुञ्जबाट ल्याइएका ७० गैँडा बबईमा र १३ गैँडा कर्णाली नदी तटीय क्षेत्रमा छाडिएको थियो ।

प्रकाशित मितिः बुधबार, फाल्गुन १९, २०७२     5:16:24 PM  |

Leave a Reply

Your email address will not be published. Required fields are marked *