11 April 2021  |   आइतवार, चैत्र २९, २०७७

झ्याउ भण्डारण गरेको आरोपमा अन्सारी पक्राउ

मिसनटुडे संवाददाता
प्रकाशित मितिः सोमवार, फाल्गुन १०, २०७२  

तिलक गाउले
कोहलपुर, फागुन १०
सरकारद्वारा प्रतिबन्धित जडिबुटि झ्याउ भण्डारण गरेर राखेको आरोपमा नेपाल जडिबुटी ब्यबसायी संघका केन्द्रिय अध्यक्ष मोहम्मद याकुब अन्सारी पक्राउ परेका छन् ।
प्रहरीको केन्द्रिय अनुसन्धान ब्युरो र क्षेत्रिय प्रहरी कार्यालय सुर्खेतबाट खटिएको प्रहरीको संयुक्त टोलीले अन्सारीलाई पक्राउ गरेको हो । अन्सारीको गोदामबाट प्रहरीले ५ सय ४२ बोरा १३ हजार ५ सय ५० किलो झ्याउ प्रहरीले बरामद गरेको हो ।
पक्राउ परेका अन्सारी र झ्याउलाइ प्रहरीले जिल्ला बन कार्यालय बाँकेको जिम्मा लगाएको छ । सरकारले २०६७ साल देखी झ्याउ ओसारपसारमा रोक लगाएको थियो । गोदाममै राखीराखेकै अबस्थामा सरकारले एक्कासी प्रतिबन्ध लगाएका कारण झ्याउ गोदाममै थन्किएको जिल्ला बन कार्यालयको नियन्त्रणमा रहेका अध्यक्ष मोहम्मद याकुब अन्सारीले जानकारी
दिए ।
आफु संग पुरानो स्टक रहेको बताउँदै अन्सारीले आफुसंग सरकारले दिएका सबै कागजात समेत दुरुस्त रहेको जानकारी
दिए । प्रहरीले धोकापुर्ण तरिकाले आफुलाई अन्य गोदाममा समेत छापा मार्न जाने भनेर जिल्ला प्रहरी कार्यालयमा लगेको बताए । अध्यक्ष अन्सारी पक्राउ परेपछी नेपालगन्जका जडिबुटी ब्यसायीहरु आक्रोशित बनेका
छन् । बरामद गरिएको झ्याउको कागजात हुँदा हुँदै पनि पक्राउ गर्नु प्रहरीको नियत ठिक नभएको उनिहरुको भनाइ रहेको छ । यता जिल्ला बन कार्यालय बाँकेका साहायक बन अधिकृत मदन चौधरीले अनुसन्धान पकृया अगाडि बढाइएकोले अनुसन्धानपछी मात्रै सबै कुरा खुल्ने जानकारी दिए ।
पाँच बर्ष अगाडि सम्म खुल्ला रहेको झ्याउमा सरकारले एक्कासी प्रतिबन्ध लगाएपछी भण्डारण गरि राखिएको झ्याउ अलपत्र अबस्थामा पर्ने गरेको
छ । झ्याउ ओसार पसारमा प्रतिबन्ध लगाइएपछी ३ बर्ष अगाडि नै भण्डारण गरिएको झ्याउमा प्रहरी र जडिबुटी ब्यबसायीबीच जुहारी चल्दै आइरहेको छ । पक्राउ गरिएका अन्सारीलाई जिल्ला अदालतले ५ दिनका लागी थुनामा राख्नका लागि म्याद थप गरिदिएको
छ ।

प्रकाशित मितिः सोमवार, फाल्गुन १०, २०७२     1:20:53 PM  |

Leave a Reply

Your email address will not be published. Required fields are marked *