कोहलपुर/ बाँकेको बैजनाथ गाउँपालिका वडा नं.१ चिसापानीस्थित शिव मन्दिरमा शिव महाँपुराण तथा धार्मिक मेला बुधबारदेखि सुरु भएको छ । धार्मिक मेलाको बैजनाथ गाउँपालिकाका अध्यक्ष मान बहादुर रुचाल ठकुरीले उद्घाटन गरेका थिए ।
उद्घाटन सत्रमा बोल्दै गाउँपालिका प्रमुख रुचालले जनताबाट संकलित रकम बराबर गाउँपालिकाबाट रकम थप गरी शिव मन्दिर क्षेत्रलाई स्मार्ट पर्यटकिय क्षेत्रको रुपमा विकास गरिने बताए ।
शिव मन्दिरको सर्वाङ्गिण विकास तथा सनातन धर्मको संरक्षण गर्ने उद्देश्यले संचालन गरिएको सो धार्मिक मेलाको पहिलो दिन शान्ति कलश यात्रा सहित चिसापानी बजार परिक्रमा गरिएको थियो ।
धार्मिक मेलाको उद्घाटन सत्रमा विशिष्ट अतिथि तथा संकल्पकर्ता गोविन्द शरण महाराज, प्रमुख कथावाचक ऋषीकेश पोखरेल, बैजनाथ गाउँपालिकाका जनप्रतिनिधिहरु, समाजसेवी, विद्यर्थी, भक्तजनलगायतको सहभागिता रहेको थियो ।
धार्मिक मेला भदौ ५ गतेसम्म संचालन हुने आयोजकले जनाएको छ ।
प्रतिक्रिया दिनुहोस्