21 February 2024  |   बिहिबार, फाल्गुन १०, २०८०

गैसस बाँके तिमिल्सेना

मिसनटुडे संवाददाता
प्रकाशित मितिः बुधबार, चैत्र २२, २०७९  

नेपालगन्ज,  गैरसरकारी संस्था महांसघ नेपाल बाँकेको अध्यक्षमा चन्द्रप्रसाद तिमिल्सेना निर्वाचित भएका छन् । महासंघ बाँकेको नेपालगन्जमा सोमबार सम्पन्न नवौं जिल्ला अधिवेशनबाट उनी यसअघि महासंघ बाँकेको जिल्ला उपाध्यक्ष रहेका तिमिल्सेना अध्यक्ष चुनिएका हुन् ।


सोमबार राति भएको निर्वाचनबाट अध्यक्ष तिमिल्सेनासहित उपाध्यक्षमा निर्मला सुनार, सचिव आशिष बर्मा, सहसचिवमा परिना चौधरी र कोषाध्यक्षमा सूर्यलाल यादव निर्वाचित भएका हुन् । यस्तै सदस्यहरुमा राजन बर्मा, रमेश सिटौला, मन भण्डारी, ताराबहादुर खत्री, गणेश भट्टराईलगायत निर्वाचित भएका छन् ।

महासंघ बाँकेको आगामी तीन बर्से कार्यकालका लागि नयाँ कार्यसमिति पदाधिकारी निर्वाचित गरिएको हो । अधिवेशनको बन्दसत्रबाट सांगठनिक तथा आर्थिक प्रतिवेदन पारित गरिएको थियो ।

प्रकाशित मितिः बुधबार, चैत्र २२, २०७९     11:36:57 AM  |