17 April 2024  |   बुधबार, बैशाख ५, २०८१

मातृ मृत्युदर घटाउन रणनीति बनाउँदै डुडुवा

मिसनटुडे संवाददाता
प्रकाशित मितिः मङ्लबार, चैत्र २१, २०७९  

कोहलपुर,मातृ मृत्युदर तथा नवजात शिशु मृत्युदर घटाउनका लागि बाँके डुडुवा गाउँपालिकाले विशेष रणनीति बनाउनु सुरु गरेको छ । विगत दुई वर्षदेखि मातृ मृत्युदरको अवस्था शुन्यमा झरेको तर चालु आर्थिक वर्षमा एक जना गर्भवती महिलाको मृत्यु भएकाले प्रभावकारी रुपमा व्यवस्थापन गर्न कार्ययोजना निमार्ण गरिएको हो ।


गाउँपालिका स्वास्थ्य शाखाद्धारा आयोजित सुरक्षित मातृत्व सम्बन्धी अभिमुखीकरण तथा योजना तर्जुमा गोष्ठीका सहभागी नर्सिङ कर्मचारीहरुले आगामी दिनमा मृत्युदर शुन्यमा झार्न कार्ययोजना निमार्ण गरेको पालिकाको स्वास्थ्य शाखा प्रमुख धबहादुर बुढाले बताए । उनका अनुसार डुडुवामा एक जना गर्भवतीको मृत्यु हुनुको कारण भनेको इक्लामसीया रोगका कारण भएको हो, यस्ता रोग तथा समस्याबारे पहिलै नै सचेत भई स्वास्थ्यकर्मीसँगको सम्पर्कमा रहनुपर्ने उनले बताए ।
डुडुवाको कम्दी, बनकट्टी, बेतहानी र हिरिमिनिया गरी ४ स्थानमा प्रभावकारी प्रसूति केन्द्रहरु सञ्चालनमा रहेको गाउँपालिका स्वास्थ्य शाखा बुढाको भनाइ छ । उनका अनुसार एक वर्षमा करिब एक हजार बढी महिलाहरु संस्थागत सुत्केरी गराउने गरेका छन् । भने केन्द्रमार्फत २४ सै घण्टा सेवा उपलब्ध गराइएको छ । अभिमुखीकरणमा स्वास्थ्य चौकी इन्चार्ज, स्वास्थ्यकर्मी र नर्सिङ कर्मचारीहरु सहभागिता रहेको थियो ।

 

प्रकाशित मितिः मङ्लबार, चैत्र २१, २०७९     2:17:31 PM  |