20 June 2024  |   बिहिबार, असार ७, २०८१

कोहलपुर मेडिकल कलेजको लापरबाहीः गर्भवती महिलाको उपचारमा खेलाँची

मिसनटुडे संवाददाता
प्रकाशित मितिः शुक्रबार, माघ १४, २०७८  

नेपालगन्ज मेडिकल कलेज शिक्षण अस्पताल कोहलपुरमा सुत्केरी व्यथा लागेका महिलाको उपचारमा खेलाँची भएको उनीहरुका आफन्तहरुले जनाए ।

गर्भवती महिलालाई न्यानो ठाउँमा राख्नुको साटो कोरोना रिपोर्टको बहानामा चिसोमै राख्ने गरिएको सर्वसाधारणहरुको भनाइ छ । यसले नेपालगन्ज मेडिकल कलेज शिक्षण अस्पताल कोहलपुर बिरामीको उपचारमा गम्भीर नभएको उनीहरु बताउँछन् ।

शुभाकर विश्वकर्मा । कोहलपुर ।

दाङको तुलसीपुर–१३ की अनिसा चौधरीलाई शनिबार साँझ सुत्केरी व्यथाले च्याप्यो । लगत्तै परिवारले तुलसीपुर अञ्चल अस्पतालमा पु¥याए । केही घण्टापछि अस्पतालले चौधरीलाई बाँकेको कोहलपुरस्थित नेपालगन्ज मेडिकल कलेज शिक्षण अस्पतालमा रिफर ग¥यो ।

राति नै एम्बुलेन्समा राखेर साढे तीन बजे उनीहरु कोहलपुरका लागि हिँडे । आफन्त कल्पना चौधरीका अनुसार एम्बुलेन्सले साढे पाँच बजेतिर अस्पतालमा पु¥यायो । तर, रातभर कष्टकर यात्रा गरेर आएकी अनिसालाई अस्पतालले भर्ना गर्न मानेन ।

‘हामी यहाँ आउन बित्तिकै एकैछिन राख्यौं । आरडीटी नगरेसम्म भित्र राख्न मिल्दैन भन्नुभयो,’ उनले भनिन्, ‘हामी बाहिरै बस्यौँ । बिहान १० बजे स्वाब लियो । दिउँसो १ बजे रिपोर्ट आयो । अहिले पनि पालो कुरिरहेका छौं ।’ मिसन टुडे दैनिक साढे तीन बजे अस्पताल पुग्दा अनिसाका आफन्त ‘लेबर वार्ड’ बाहिर पालो करिरहेका थिए । अचम्म त के भने, केही समयपछि सुत्केरी व्यथाले च्यापेर सकसमा रहेकी अनिसा अप्ठ्यारो अवस्थामा आफन्त भएकोमा आइपुगिन् ।

उनले भनिन्, ‘भित्र राम्रो केयर नै गरेका छैनन् । अझै मेरो तीनजनापछि पालो आउँछ भनेको छ ।’ राम्रोसँग बोल्नसमेत नसकिरहेकी उनी वार्ड बाहिर आफ्नो पालो कुर्दै यताउता गरिरहेकी थिइन् । सुत्केरी हुने जस्तो पीडादायी अवस्थामा अस्पतालमा आउँदा उनीहरुले आरडीटी नहुँदा र पीसीआर रिपोर्ट आइसकेपछि पनि गुणस्तरीय सेवा नपाएको कल्पनाले गुनासो गरिन् ।

यस्तै समस्या दाङको बबई–४ का चन्द्रबहादुर विकले पनि भोगे । श्रीमती उमा विकलाई पेट दुःखेपछि उनले गाउँ नजिकैकै अस्पतालमा लिएका थिए । स्वास्थ्यकर्मीले कोहलपुरमै रिफर गरिदिए । उनीहरु शनिबार बिहान ४ बजे कोहलपुर पुगेका थिए ।

‘लामो समय भइसक्यो, डेलीभरी नै भएको छैन । बिहानै पुगेको भर्ना नै लिएन । आरडीटी रिपोर्ट चाहिन्छ भन्छ,’ उनले भने, ‘लगत्तै स्वाब संकलन गरे । तर, मैले ३ बजेमात्रै रिपोट पाएको हुँ । भर्खरै भित्र लिएको छ । खै कतिबेला के हुने हो थाहा छैन ।’ राति एम्बुलेन्समा ल्याएकी उमालाई लामो समय भर्ना नगराएका कारण समस्या पर्ने पो होकी भन्ने भयले चन्द्रलाई सताएको छ ।

यसैगरि कोहलपुर–२ की एक महिला पनि आफ्नो छोरीलाई लिएर अस्पतालमा आएकी थिइन् । आइतबार बिहान अस्पताल आएकी उनले अस्पतालको सेवा बिरामीमुखी नभएको बताइन् । नाम नबताउने सर्तमा उनले अस्पतालमा धेरै समस्या रहेको बताइन् । यहाँ धेरै समस्या छन्, जस्तो इमरजेन्सी बिरामी भए पनि वास्तै गरिँदैन । छोरीको सुरक्षित सुत्केको लागि चार÷पाँच घण्टा अस्पतालमा बस्दा आफूले धेरै दुःख पाएको उनको भनाइ छ ।

अन्य बिरामीभन्दा पनि सुत्केरी अवस्थाका बिरामीको राम्रोसँग हेरचाह गर्नुपर्ने उनले बताइन् । अहिले अनिवार्य पीसीआर रिपोट अनिवार्य भनेकाले बिरामीले झन दुःख पाएको उनले जानकारी दिइन् । शिक्षण अस्पताल कोहलपुर नेपाल सरकारको ‘आमा सुरक्षा कार्यक्रम’ लागू गरेको हो ।

नेपालगन्ज मेडिकल कलेज शिक्षण अस्पताल कोहलपुरमा सुत्केरी व्यथा लागेका महिलाको उपचारमा खेलाँची भएको उनीहरुका आफन्तहरुले जनाए । गर्भवती महिलालाई न्यानो ठाउँमा राख्नुको साटो कोरोना रिपोर्टको बहानामा चिसोमै राख्ने गरिएको सर्वसाधारणहरुको भनाइ छ । यसले नेपालगन्ज मेडिकल कलेज शिक्षण अस्पताल कोहलपुर बिरामीको उपचारमा गम्भीर नभएको उनीहरु बताउँछन् ।

‘मलाइ केही थाहा छैन’
भोजराज जोशी
डाइरेक्टर, शिक्षण अस्पताल कोहलपुर

सुत्केरीलाई आरडीटीबिना अस्पतालमा छिर्नसमेत किन दिइँदैन ? भन्ने मिसन टुडे दैनिकको प्रश्नमा अस्पतालका डाइरेक्टर भोजराज जोशीले आफूलाई यस विषयमा जानकारी नै नभएको बताए । उनले भने, ‘त्यस्तो त छैन । भोलि अफिस आएर कुराकानी गर्नुहोस् न । मलाई स्टेन प्रसिमन छैन । जानकारी चाहिने हो भने भोलि अफिस नै आउनु होला । मलाई खास्सै जानकारी छैन । मैले पनि बुझ्नुर्छ ।’

पहिलोपटक टेलिफोनमा कुराकानी गर्दा आफू विदामा रहेको र आइतबार मात्रै अफिसमा आएकोले धेरै कुरा थाहा नभएको उनको भनाइ थियो । तर, केही समयपछि आफैँ फोन गरेर उनले सुत्केरी अवस्थामा अस्पतालमा आउने बिरामीको आरडीटी टेस्ट गर्ने गरेको स्वीकार गरे ।

‘टेस्ट अनिवार्य गराउँछौं । टेस्ट भएन भने कसैलाई रिफ्युज (फर्काउने) गराउँदैनौँ । कतिपय अवस्थामा तुरुन्तै डेलिभरी गराउँछौं । डेलिभरीपछि पनि टेस्ट गराउँछौँ,’ उनी भन्छन् । टेस्ट नभएको आधारमा कसैलाई रिफ्युजन गरिएको उनको दाबी थियो ।

सेवाबाट वञ्चित गरिनु गलत
धीरजंग शाह

(प्रमुख), स्वास्थ्य कार्यालय,बाँके

नेपालगन्ज मेडिकल कलेज शिक्षण अस्पताल कोहलपुरले आमा सुरक्षा कार्यक्रमअन्तर्गत सबै सुविधा पाएको छ । यसबारे सबै प्रक्रिया पूरा गर्ने सम्झौतासमेत भएको छ । आमा सुरक्षाका हिसाबले गर्भवती महिलाले सेवा माग्न (लिन) आएपछि दिनुपर्छ । यस्तो अवस्थामा अस्पतालले अतिरिक्त टेस्टका नाममा अल्झाउन पाउँदैन ।

अहिले कोरोनाको अवस्था छ । यस्तोबेला कुनै पनि लक्षण देखिएको छ की भनेर अस्पतालले भन्न सक्छ । तर अनिवार्य रिपोर्ट हुनुपर्छ, नत्र उपचार गराउनै नपाउने भन्ने हुँदैन । रिपोर्ट अनिवार्य ल्याउनुपर्छ भन्न मिल्दैन । रिपोर्ट महŒवपूर्ण होइन ।

मानिसको जीवन ठूलो कुरा हो । महिलाको ज्यानको जोखिम भएको हुन्छ । अस्पताल टेस्ट र वा रिपोर्टको पछि लाग्न मिल्दैन । रिपोर्ट नभएर मातृ सेवा लिन नपाउनु गम्भीर हो । सेवाबाट वञ्चित गरिनु गलत हो । यो त हकविरुद्धको कुरा भयो ।

 

प्रकाशित मितिः शुक्रबार, माघ १४, २०७८     8:48:55 PM  |