19 June 2024  |   बिहिबार, असार ७, २०८१

नेपालगन्ज आउँदै गरेको बुद्ध एयरकी यात्रु जहाजमै बेहोस

मिसनटुडे संवाददाता
प्रकाशित मितिः बिहिबार, माघ ६, २०७८  

कोहलपुर ।

काठमाडौंबाट नेपालगन्ज आउँदै गरेको बुद्ध एयरको जहाजमा रहेकी एक यात्रु बेहोस भएकी छिन् । जहाज नेपालगन्जमा निर्धारित समयमा ल्याण्डिङ्ग हुन नसक्दा एक महिला यात्रु वेहोस भएको विमानस्थल प्रहरीले जनाएको छ ।

६९ यात्रु लिएर काठमाण्डौबाट नेपालगन्जको लागि उडेको बुद्ध एयरको जहाज मौसमका कारण नेपालगन्ज विमानस्थलमा समयमै अवतरण हुन सकेको थिएन् ।

बिहीबार बिहान ७ बजेर ४४ मिनेटमा उडेको जहाज नेपालगन्ज विमानस्थलमा ८ बजेर ४० मिनेटमा अवतरण हुनु पर्नेमा ९ बजेर १८ मिनेटमा मात्र अवतरण भएको थियो ।

जहाजमा रहेकी एक महिला बेहोस अवस्थामा फेला परेको र उनको राँझामा रहेको नेपाली सेनाको अस्पतालमा उपचार भै रहेको प्रहरीले जनाएको छ । नेपालगन्जमा केहीदिन यता हुस्सुलाग्दै आएको कारण मौसम खुल्न सकेको छैन ।

प्रकाशित मितिः बिहिबार, माघ ६, २०७८     11:26:54 AM  |