मिसनटुडे संवाददाता
प्रकाशित मितिः मङ्लबार, पुस २७, २०७८
नेपालगन्ज ।
नेपाल–भारत जमुनाहमा स्थापना गरिएको हेल्थडेस्कका चारजना कर्मचारी कोभिड–१९ (कोरोना भाइरस) बाट संक्रमित भएका छन् । शनिबार एकजना र आइतबार तीनजना गरी चारजना कोरोना भाइरस संक्रमित भएका हुन् ।
कोरोना भाइरस संक्रमित हुनेमा सबै पुरुष रहेका हेल्थडेस्क जामुनाहकी इन्चार्ज गीता शाहीले जनाइन् । उनका अनुसार आइतबार भारतबाट जमुनाह हुँदै नेपाल प्रवेश गर्ने थप ३७ जनामा कोरोना भाइरस देखिएको छ ।
उनका अनुसार कोरोना भाइरस संक्रमित हुनेमा २७ जना पुरुष र १० जना महिला छन् । आइतबार ६ सय ६० जनाको स्वाब संकलन गरिएको थियो । जसमध्ये पाँच सय २३ जना पुरुष र एक सय ३७ जना महिलाको स्वास्थ्य परीक्षण गरिएको थियो ।
कोरोना भाइरस संक्रमित सबैलाई आइसोलेसनमा राखिएको बताइएको छ ।