मिसनटुडे संवाददाता
प्रकाशित मितिः सोमवार, साउन ११, २०७८
दाङ तुलसीपुरमा लागु औषध ब्राउन सुगरसहित एक जना पक्राउ परेका छन् । तुलसीपुर उपमहानगरपालिका १३ दमारगाउँको तुलसीपुर अमिलिया सडक खण्डबाट ७ ग्राम ६६ मिलिग्राम ब्राउन सुगरसहित एक जनालाई प्रहरीले पक्राउ गरेको हो ।
पक्राउ पर्नेमा तुलसीपुर उपमहानगरपालिका १२ घर भई हाल तुलसीपुर ६ मा डेरा गरी बस्दै आएका २७ बर्षिय राजकुमार वली रहेको जिल्ला प्रहरी कार्यालय दाङका प्रवक्ता तथा प्रहरी नायव उपरीक्षक मुकुन्द प्रसाद रिजालले जानकारी दिनुभयो ।
हिजो साझ ७ बजेको समयमा जिल्ला प्रहरी कार्यालय दाङ र ईलाका प्रहरी कार्यालय तुलसीपुरबाट खटिएको संयुक्त प्रहरीको टोलीले नेपालगञ्ज देखि तुलसीपुर तर्फ आउदै गरेको रा १ ख १७१८ नम्बरको गाडी जाँच गर्ने क्रममा उक्त गाडीमा सवार वलीलाई पक्राउ गरेको हो ।
उनलाई नियन्त्रण लिई थप अनुसन्धान भईरहेको प्रहरीले जनाएको छ ।