दाङ, जिल्लाको राप्ती गाउँपालिकाका अध्यक्ष नुमानन्द सुवेदी सहित २० जना विरुद्ध पक्राउ पुर्जी जारी गरिएको छ । जिल्ला अदालत दाङ अध्यक्ष सुवेदी सहित अन्य २० जनालाई देउखुरी बचत तथा ऋण सहकारी संस्थाको ५ करोड बढी रकम हिनामिना गरेको आरोपमा पक्राउ पुर्जी जारी गरिएको हो । सहकारीको रकम हिनामिना गरेको विषयमा परेको मुद्धामा फैलसा गर्दै जिल्ला अदालतले सम्बन्धित व्यक्तिलाई पक्राउ गर्न आदेश दिएको हो ।
अदालतका श्रेस्तेदार धनसिंह गिरीले उनीहरुलाई पक्राउ गरी अदालतमा पेश गर्न आदेश जारी गरेको जानकारी दिए । उनीहरुकोलाई पक्राउ गर्नको लागि ३५ दिने पक्राउ पूर्जी जारी गरिएको छ । यो बीचमा पनि पक्राउ गरेर अदालतमा हाजिर नगराए घरमै म्याद टाँगिने उनको भनाइ छ । सहकारीको रकम हिनामिना गरेको आरापेमा ४ जना कर्मचारीलाई यसअघि नै थुनामा छन् ।
पक्राउ परेका पाँच जनामध्ये एक महिलालाई भने साधारण तारेखमा छोड्न अदालतले आदेश दिएको थियो । कर्मचारी र पदाधिकारीहरुसहित २५ जनाविरुद्ध अदालतमा मुद्दा परेको छ । यता अध्यक्ष नुमानन्द सुवेदीले भने आफू अदालत मै गएर सबै कुरा राख्ने प्रतिक्रिया दिएका छन् ।