खड्क सुनार, असार १९,
मुगु जिल्ला हुलाक कार्यालय मुगु बाट प्रवाह हुने सेवा खस्कदै गएको छ । पछिल्लो समय देशैभरका हुलाक कार्यलय बाट प्रवाह हुने सेवा खस्कदो अबस्थामा रहेको पाईएको छ । जिल्ला हुलाक कार्यलय मुगुका निमित्त कार्यलय प्रमुख नाग्मल शाहीका अनुसार मुगुमा पनी हुलाकको प्रभावकारीता खस्कदै गएको र हुलाकको प्रयोग घट्दैको छ ।
सुचनाको बिकास संगै नेट ईन्टरनेट, फोन सेवा, पत्रपत्रिका, रेडियो, बिभिन्न सामाजिक सञ्जाल तथा सञ्चारको सहज पहुच भएपछी हुलाक सेवाको प्रभावकारिता खस्कदै गहेको निमित्त प्रमुख शाहीको भनाई छ । सञ्चारको बिकास नहुदै हुलाकले सञ्चार आदन प्रदानमा महत्वपुर्ण भुमिका खेलेको भएपनी अहिले सञ्चारको सहज पहुच भए पछी हुलाकको प्रभावकारीता खस्कदै जनगुनासो बढ्दो छ ।
हुलाक बाट टिकट बिक्रि, डाँक ढुवानी जिल्लामा सञ्चालीत सामुदायिक रेडियोको दर्ता नविकरण, र सरकारी तथा गै्रेहसरकारी कार्यलय बाट पाउनु पर्ने सुचनाको हक लगायतका काम भईरहेका छन । हुलाक बाट सेवा प्रवाह हुने धनाध्य सेवा,विमा सेवा, चिठि प्रत्र सेवा घट्दो क्रममा रहेका र यि सेवाको लागी कुनै पनी सेवाग्राही नआउने गरेका निमित्त प्रमख शाहीको भनाई छ ।
हुलाक बाट प्रवाह हुने सेवा लोक सेवा ,र टेलि सेन्टर पनी खारेज गरेको जाकनारी गराउदै शाहीले हुलाक लाई दिन प्रतिदिन ओरालोमा धकेल्ने काम भईरहेको छ । आगामी दिनमा हुलाक कार्यालयलाई प्रभावकारी बनाउनको लागी प्रविधिको बिकास सगैँ प्राविधिकरण तिर लैजानुपर्ने उनले जानकारी दिए । जिल्ला हुलाक कार्यलय मुगुमा कर्मचारी काम विहीन बनेका छन ।
जिल्लामा एक हुलाक कार्यलय ७ वटा ईलाका हुलाक कार्यलय ,१७ वटा अतिरक्त हुलाक कार्यलयमा छन । ईलाका हुलाकमा खरदार सरहको पद भएपनी हल्काराले काम सञ्चालन गरीरहेका छन भने जिल्ला हुलाक कार्यलयमा खासै काम नहुने भएकाले कर्मचारी कामविहीन भएका हुन । तर जिल्ला हुलाक कार्यलय मुगुले कमचारी अभाव भएको भन्दै खरदारको पदमा हल्काराले काम गरेका निमित्त प्रमुख शाहीले बताए ।