28 February 2021  |   आइतवार, फाल्गुन १६, २०७७

आवश्यक विद्युत् आपूर्ती नहुँदा सर्वसाधारण मारमा

मिसनटुडे संवाददाता
प्रकाशित मितिः बुधबार, अशोज १०, २०७५  

नेपालगन्ज/  बाँकेमा आवश्यक मात्रामा विद्युत आपुर्ती हुन नसक्दा सर्वसाधारण मारमा परेका छन् । २० देखि २२ मेगावाट विद्युुत बाँकेमा आवश्यक पर्ने भएपनि अहिले १५ मेगावाट मात्र विद्युत आपूर्ती हुने गरेको छ ।

५ देखि ८ मेगावाट विद्युत अपुग हुँदा दैनिक २ घण्टा सर्वसाधारणले सास्ती खेप्नु परिरहेको छ । बाँकेमा अहिले नेपालबाट ५ र भारतबाट १० मेगाबाट मात्र विद्युत आपुर्ती हुदै आएको छ ।

नेपालको सबैभन्दा ठूलो जल विद्युत केन्द्र कालिगण्डकी ‘ए’ १४४ मेगावटको विद्युत गृहमा मर्मत संभारको काम भइरहेकाले केहि विद्युत अपुग भएर दैनिक ८ घण्टा विद्युत पु¥याउन नसकिएको नेपाल विद्युत प्राधिकरण वितरण केन्द्र नेपालगन्जले जनाएको छ ।

वितरण केन्द्रका प्रमुख रामदुलाल यादवका अनुसार अहिलेकोे समस्या केही दिनमा पूर्ण रुपमा हल भइसक्ने छ । कालिगण्डी ‘ए’ जलविद्युत केन्द्रको मर्मत कार्य भएकाले केहि विद्युत अपुग भएको प्रमुख यादवले बताए ।

त्यसैले साँझ र विहानको समयमा लोड मिलाउनका लागि पालो अनुसार लाइन दिने गरिएको भन्दै एक ठाउँमा बढीमा दुई घण्टासम्म लाइन काटिएको र यो समस्या १२ गतेसम्म मात्र हुने उनले बताए । पीकआवर (साँझ र विहान) जस्तो अन्य समयमा लाइन नकाटिएको प्रमुख यादवको भनाइ छ ।

प्रकाशित मितिः बुधबार, अशोज १०, २०७५     8:28:11 AM  |

Leave a Reply

Your email address will not be published. Required fields are marked *