बर्दिया,१७ जेठ/ बर्दियाको बाँसगढीमा आफ्नै श्रीमतीको हत्या गर्ने श्रीमान पक्राउ परेका छन् । बाँसगढी नगरपालिका–७, बाबनपुरका श्रीमतीको हत्या गरी फरार रहेका ३७ वर्षीय दशरथ एैरलाई इलाका प्रहरी कार्यालय बाँसगढीले मंगलबार पक्राउ गरेको हो ।
इलाका प्रहरी कार्यालय बाँसगढीका प्रहरी नायव निरीक्षक रबिलाल अस्लामीको सक्रियतामा हत्या आरोपमा फरार अभियुक्त एैरलाई भारतको मटै भन्ने ठाँउमा लुकिछिपि रहेको अवस्थामा पक्राउ गरी बाँसगढी ल्याइएको छ ।
पक्राउ परेका एैरका बारेमा जिल्लामा जानकारी गराएको र आवश्यक कारवाही अगाडि बढाइने प्रहरी नायव निरीक्षक अस्लामीले बताए ।
यही जेठ ७ गते श्रीमतीसँग सामान्य विवाद हुँदा फलामको रडले श्रीमती छोटनी एैर भनिने २९ वर्षिया निर्मला यादवलाई टाउकोमा हिर्काउँदा घाइते बनेकी यादवको उपचारको क्रममा मृत्यु भएको थियो ।
उनका तीन सन्तान छन् । श्रीमतीलाई फलामको रडले हिर्काएर घाइते बनाएसँगै दशरथ फरार थिए ।
प्रतिक्रिया दिनुहोस्