नेपाल संघीय समाजवादी पार्टीका उम्मेदवार रेखादेवी मिश्र नै एमालेमा प्रवेश

मिश्रसँगै एक दर्जन बढी नेता तथा कार्यकर्ता एमालेमा प्रवेश गरेका छन् । प्रवेश गर्नेहरुमा पिछडा वर्ग संघका अध्यक्ष राधेश्याम मौर्य, नरेश सिंह, मोहन सिंह, रमेश सिंह, प्रल्हाद कोरी, गितादेवी कनौजिया, अन्नुदेवी खटिक, रिनादेवी खटिक, कवुतरादेवी, खटिक, केशरानी रैदास, गोविन्द सिंह, राम बौर्य, लोकेन्द्र वोगटी, लिलावती धोवी लगायत रहेका छन् ।
एमालेका बैकल्पिक केन्द्रीय सदस्य यादव र पार्टी अध्यक्ष कोइरालाले सबैलाई टिका लगाएर एमालेमा प्रवेश गराएका थिए । उम्मेदवार मिश्रको टोली एमालेमा प्रवेश गर्दा वामगठबन्धनलाई ठूलो फाइदा भएको नेताहरुले बताएका छन् ।
यसैबीच, चुनावको मिति नजिकिदै जादा उम्मेदवारलाई भ्याइनभ्याई भएको छ । उम्मेदवारहरु टोलटोलका कोण सभा र विशेष–विशेष ठाउँमा घरदैलो गरेका छन् । मौन अवधि शुरु हुन केही दिन बाँकी रहेकाले सबै पार्टीका उम्मेदवारहरुको प्रचार प्रसार अन्तिम चरणमा पुगेको छ ।
वाम गठबन्धनका उम्मेद्वार बाँके क्षेत्र नं. २ प्रदेशसभाका उम्मेद्वार पशुपतिदयाल मिश्र र बाँके क्षेत्र नं. २ ‘ख’ प्रदेशसभाका उम्मेद्वार विजयकुमार गुप्ताले नेपालगन्जको बाके गाउँ, गोसाइगाउँ, कारकाँदो लगायतका क्षेत्रमा कोणसभा तथा घरदैलो गरेका छन् ।
वामगठबन्धनले मतदाता शिक्षालाई पनि विशेष जोड गरेको छ । दुई पार्टीको चुनाव चिन्ह हुने भएकाले बदरको संभावना बढी रहेको भन्दै वामगठबन्धनले घरघरमा टोली खटाएर मतदान गर्ने तरिका सिकाइरहेको क्षेत्र नं. २ प्रदेश सभा ‘ख’ का संयोजक रविन्द्र लम्सालले जानकारी दिए ।