24 October 2021  |   आइतवार, कार्तिक ७, २०७८

दुब्राउन सुगर सहित दुई जना पक्राऊ

मिसनटुडे संवाददाता
प्रकाशित मितिः मङ्लबार, कार्तिक १४, २०७४  

नेपालगन्ज ,१३ कात्तिक/  बाँके प्रहरीले प्रतिबन्धित लागू औषध ब्राउनसुगर भारतबाट ल्याएर नेपालमा बिक्री बितरण गर्ने दुइ जनालाई नियन्त्रणमा लिएको छ । भारतबाट लुकाई छपाई नेपाल ल्याउँदै गरेका बहराईच नानपाराका सोनु राई तथा नेपालमा बिक्री गर्ने घोराही ५ का प्रमोद प्रछाईलाई प्रहरीले पक्राउ गरेको हो ।

 

 

जिल्ला प्रहरी कार्यालय बाँकेका प्रवक्ता तथा प्रहरी नायव उपरीक्षक सुधिरराज शाहीले राईलाई यही कार्तिक ८ गते जमुनाहा नाकामा चेकजाँच गर्ने क्रममा ३० ग्राम ७ सय ५० मिलिग्राम ब्राउनसुगरसहित पक्राउ गरिएको जानकारी दिए । त्यस्तै दाङ घोराहीका प्रछाईलाई अनसुन्धानका क्रममा पक्राउ गरिएको हो ।

राईले भारतबाट नेपाल पाइन्टको भित्र अगाडी पट्टि कट्टुको भित्री भागमा प्लाष्टिकको चार वटा पोका बनाइ राखेका थिए । उनलाई नियन्त्रणमा लिइसकेपछि उनको मोबाईलमा बिक्रीकर्ताको आइरहेको कलका आधारमा प्रछाईलाई कार्तिक ९ गते पक्राउ गरिएको प्रहरी प्रवक्ता शाहीले बताए ।

राई लागुऔषध पृष्ठभुमि कै व्यक्ति हुन । उनलाई जिल्ला प्रहरी कार्यालय दाङले यसअघि नै लागु औषध मुद्दा चलाई सकेको छ । राईलाई पक्राउ गर्ने बेला उनको साथबाट ८ हजार नौ सय ५० रुपैया भारतीय पनि फेला परेको थियो ।
प्रकाशित मितिः मङ्लबार, कार्तिक १४, २०७४     7:20:25 AM  |