18 September 2021  |   शनिबार, अशोज २, २०७८

बर्दियामा करेण्ट लागेर एक जनाको मृत्यु

मिसनटुडे संवाददाता
प्रकाशित मितिः बिहिबार, अशोज २६, २०७४  

बर्दिया, असोज २६ – बर्दियाको ठाकुरबाबा नगरपालिकाबाट धानको भुस बोकेर पोखराका लागि छुटेको ट्रकमा बिजुलीको लाइन छुँदा करेण्ट लागेर घाइते भएका एकजनाको उपचारका क्रममा ज्यान गएको छ ।

ठाकुरबाबा नगरपालिका–३ जुडपानीबाट भुस बोकेर गएको ना ३ ख ५४८८ नम्बरको ट्रकमा बिजुलीको लाइनले छुँदा करेण्ट लागेको हो ।

करेण्ट लागेर घाइते भएका बाँसगढी नगरपालिका–३ का २० वर्षका बलीराम थारुको मेडिकल कलेज कोहलपुरमा उपचारका क्रममा ज्यान गएको जिल्ला प्रहरी कार्यालय बर्दियाले जनाएको छ । अर्का घाइते बाँसगढी–३ कै अर्जुन थारुको उपचार भइरहेको प्रहरीले जनाएको छ ।

प्रकाशित मितिः बिहिबार, अशोज २६, २०७४     11:15:03 AM  |