रावन विश्वकर्मा
बाँसगढी, भदौ १३
जनउत्थान सामुदायिक लघुबित्त बिकास बैंक लि. बर्दिया ककौरा शाखाका बैंकिङ समुदायका प्रमुखहरुको लागि बितिय साक्षरता कार्यक्रम आईतबार बाँसगढीमा सम्पन्न भएको छ । बितिय साक्षरता कार्यक्रममा ककौरा शाखाले गठन गरेका बैकिंङ समुदायका प्रमुखहरुलाई बैंकले दिने सेवा सुबिधा, बैंकको कर्जा लगायतका बारेमा जानकारी गराईएको थियो । कार्यक्रममा जनउत्थान सामुदायिक लघुबित्त बिकास बैंक लि.केन्द्रिय कार्यालयका कर्जा बिभाग प्रमुख भरत कुमार रसालीले कुनै पनि बैंकबाट कर्जा लिदा घरपरिवार सँग सल्लाह गरेर निश्चित योजना र उदेश्य सहिति लिदा कर्जा लिएको उपलब्धी हुने कुरामा जोड दिए । उनले कर्जा लिएर व्यापार व्यवसाय गर्दा फजुल खर्च घटाएर योजना सहितको खर्च बितरण सहित बचत गर्ने बानीको बिकास गर्न अनुरोध समेत गरे । त्यस्तै बैंकका केन्द्रिय प्रबन्धक दलबहादुर लोहागुनले लघुबित्त बिकास बैंकले फाईदालाई मात्रै नहेरेर सामाजिक चेतनाका कुराहरुलाई उजागर गर्दै पारिष्परि सम्झदारीको बिकासमा समेत टेवा पुर्याएको बताए । उनले बैंकका समुहमा रहेका सदस्यहरुको लागी बिशेष राहतका कार्यक्रमहरुको पनि बिकास गर्दै आएको बताए । कार्यक्रममा ककौरा शाखाका प्रमुख दिपा शाहु, बैंकका कर्मचारीहरु, बैकिंङ समुदायका प्रमुखहरु, सञ्चारकर्मी लगायतको सहभागीता रहेको थियो । लघुबिकास बैंकमा हाल सम्म बर्दिया जिल्लामा ९३ समुहमा गरी १ हजार ३ सय १५ जना सदस्य रहेका छन ।
मिसनटुडे संवाददाता
प्रकाशित मितिः सोमवार, भदौ १३, २०७३