17 May 2021  |   सोमवार, जेष्ठ ३, २०७८

प्लाष्टिक झोला प्रयोग नगर्न अनुरोध

मिसनटुडे संवाददाता
प्रकाशित मितिः बुधबार, साउन १९, २०७३  

राबन विश्वकर्मा
बाँसगढी, साउन १९
ईलाका प्रशासन कार्यालय बाँसगढीले मापदण्ड भन्दा बाहिरका प्लाष्टिक तथा पोलिथिन झोलाहरु प्रयाग नगर्न र नगराउन सबैलाई अनुरोध गरेको छ । ईलाका प्रशासन कार्यालय बाँसगढीको मंगलबार सूचना जारी गरी मापदण्ड भन्दा बाहिर पलाष्टिक र प्लाष्टिकजन्य झोला प्रयाग नगर्न र नगराउन सरोकार निकाय र सर्वसाधारणलाई अनुरोध गरेको हो । प्लाष्टिक र प्लाष्टिक जन्य झोलाको प्रयागबाट मानव स्वास्थ्य, वातावरण र शहरी शौन्दर्यमा प्रतिकुल असर पर्ने हुदा मापदण्ड भन्दा बाहिरका पोलिथिन झोला प्रयोग नगर्न र नगराउन भनिएको छ । यदि त्यस्तो गरेको वा गराइएको पाइएमा प्रचलित कानुन बमोजिम हुने ईलाका प्रशासन कार्यालय बाँसगढीका प्रमुख महेन्द्रजंग शाहीले जानकारी दिए ।
त्यस्तै बाँसगढी नगर क्षेत्र र आसपासका क्षेत्रका समुदायहरुले आफ्नो बारेमा वा कुनै व्यक्ति र संस्थाको बारेमा सुचना, गुनासो वा सोधपुछ भएमा कार्यालयमा सम्पर्क गर्न वा कार्यालय र कार्यालय प्रमुखको नम्बरमा सम्पर्क गर्न पनि सुचना जारी गरेको छ ।

प्रकाशित मितिः बुधबार, साउन १९, २०७३     10:17:41 AM  |

Leave a Reply

Your email address will not be published. Required fields are marked *