जाजरकोट, माघ २० गते। आफँै रकम जुटाएर जिल्लाका युवाले ११ किलोमिटर मोटरबाटो निर्माण गरेका छन् ।
जिल्लाको भुरको फेरादेखि पुन्माको स्याउली बजारसम्मको सो सडक रु पाँच लाखको लगानीमा निर्माण गरिएको हो । भेरिमालिका नगरपालिका–७ पुन्माका दीपेन्द्र शाहीको अगुवाइमा पुन्मा, साल्टाकुरा र गिमा गाउँका ३० जना युवाको समूहले सडक निर्माण गरेका हुन् ।
सडक निर्माण गर्न स्थानीय व्यापारीको रु ८० हजार सहयोग तथा युवाले आफँैले अन्य रकम जुटाएका थिए । सडक निर्माण पछि स्थानीयवासी तथा व्यापारी हर्षित भएका छन् । रासस
प्रकाशित मिति : २०७२ माघ २० गते बुधबार
प्रतिक्रिया दिनुहोस्