28 November 2020  |   शनिबार, मंसिर १३, २०७७

टर्की र रुसबीचको सम्बन्ध झनै चिसियो, टर्कीमाथि नाकाबन्दीको घोषणा

मिसनटुडे संवाददाता
प्रकाशित मितिः आइतवार, मंसिर १३, २०७२  

काठमाडौं, मंसिर १३ । रुसी विमान खसालेको घटनाबाट चिसिएको टर्की र रुसबीचको सम्बन्ध झन् खराब हुँदै गएको छ ।
यसैको परिणाम स्वरुप रुसले टर्कीमाथि नाकाबन्दी सुरु गरेको छ । जसअनुसार टर्कीबाट आयातमा रोक लगाउनुका साथै रुसमा रहेका टर्कीको कम्पनीमाथि प्रतिबन्ध लगाइएको छ ।
यस्तै रुसमा कार्यरत टर्कीसलाई कामबाट निकालिने घोषणा रुसले गरेको छ । रुसी राष्ट्रपति भ्लादिमीर पुटिनले नाकाबन्दीको घोषणा गरेका हुन् ।
साथै दुई देशबीच हुँदै आएको चार्टर उडान पनि नहुने भएको छ । रुसमा टर्कीका ९० हजार नागरिक कुनै न कुनै ब्यबसायमा आवद्ध छन् भने तीनका परिवारको संख्या दुई लाख रहेको बताइन्छ ।
यसैबीच टर्कीका राष्ट्रपति तायीप एर्दोगानले रुसले लगाएको नाकाबन्दी अमानवीय भन्दै दुःख ब्यक्त गरेका छन् । उनले रुससँग नझुक्ने अडान लिएका छन् ।
यो नाकाबन्दीको असर चने रुसमा पनि पर्ने छ । रुसमा २० प्रतिशत तरकारी टर्कीबाट आउने गरेको छ । टर्कीले यो बर्ष मात्रै रुसलाई एक अर्ब पाउण्ड बराबरको खाद्य सामग्री उपलब्ध गराएको थियो ।
टर्कीको हवाई क्षेत्रमा रहेको रुसी बिमान टर्कीले खसालेपछी टर्की र रुसबीचको सम्बन्ध चिसिएको हो । (एजेन्सी)

प्रकाशित मितिः आइतवार, मंसिर १३, २०७२     3:42:03 PM  |

Leave a Reply

Your email address will not be published. Required fields are marked *