कैलाली ।
नेकपा एमालेका उपमहासचिव लेखराज भट्टले गणतन्त्र पक्षधर एक भएर जानुपर्ने बताएका छन् । उपमहासचिवमा विजयी भएपछि पहिलो पटक गृहजिल्ला कैलाली पुगेका भट्टले धनगढी विमानस्थलमा सञ्चारकर्मीसँग संक्षिप्त कुराकानी गर्दै गणतन्त्र पक्षधर एक भएर जानुपर्नेमा एमालेको जोड रहेको बताएका हुन् ।
‘सकेसम्म गणतन्त्र पक्षधरहरूले संविधानको रक्षाका लागि मिल्नुपर्छ भन्नेमा एमालेको जोड छ,’ उनले भने । आसन्न प्रतिनिधिसभा निर्वाचनमा कांग्रेस, एमाले र नेकपा मिलेर चुनाव लड्ने सम्भावना पनि रहेको भट्टले बताए ।
कांग्रेस, एमाले र नेकपा मिलेर चुनावमा जाने सम्भावना छ रु भन्ने पत्रकारको प्रश्नमा भट्टले भने, ‘राजनीति हो, सम्भावनालाई नकार्न सक्दैन । नेतृत्वको बीचमा छलफल भइरहेको छ । सम्पर्क गाढा भइरहेको छ ।’
प्रकाशित मिति : २०८२ पुस २० गते आइतबार
प्रतिक्रिया दिनुहोस्