मिसनटुडे संवाददाता
प्रकाशित मितिः शनिबार, साउन २०, २०८०
काठमाडौँ ।
अप्पर लोहोरे खोला हाइड्रोपावरको साधारण सेयर (आईपीओ)मा ३.७१ गुणा बढी आवेदन परेको छ । सीडीएसी एण्ड क्लियरिङ लिमिटेडका अनुसार शुक्रबार साँझ ५ बजेसम्ममा मागभन्दा ३.७१ गुणा बढीको आवेदन परेको हो ।
कम्पनीले सर्वसाधारणका लागि भनेर १९ लाख ५३ हजार २५९ कित्ता सेयर बिक्री खुलाएको थियो । जसमा ६ लाख ३६ हजार लगानीकर्ताबाट ७२ लाख ६४ हजार ९४० कित्ता सेयरका लागि आवेदन परेको हो ।
हाइड्रोपावरले आयोजना प्रभावित क्षेत्रमा नबिकेको सेयरसहित थपेर सर्वसाधारणलाई बिक्री खुलाएको थियो । आईपीओमा आवेदन दिने मिति यही साउन २२ गतेसम्म छ । कम्पनीले जारी पुँजी ५० करोड ९८ लाखको ३९ प्रतिशत सेयर सर्वसाधारणलाई बिक्री खुलाएको हो ।