नेपालगन्ज ।
बाँकेमा निर्माण भइरहेको होल्डिङ सेन्टरको आइतबार अनुगमन तथा निरीक्षण गरिएको छ ।
नेपाली सेना जंगी अड्डा निरीक्षण महानिर्देशनालयका निरीक्षाधिकृत उपरथी निरञ्जनकुमार श्रेष्ठसहित १४ जनाको टोलीले होल्डिङ सेन्टरको अनुगमन तथा निरीक्षण गरेको हो ।
नेपालगन्ज उपमहानगरपालिका–१४, भवानियापुरमा होल्डिङ सेन्टर साउनदेखि निर्माण कार्य सुरु गरिएको थियो ।
एक हजार क्षमताको होल्डिङ सेन्टर निर्माण भइरहेको प्रमुख जिल्ला अधिकारी सूर्यबहादुर अधिकारीले जनाए । उनका अनुसार होल्डिङ सेन्टरको निर्माण कार्य अन्तिम चरणमा पुगेको छ ।
होल्डिङ सेन्टरको अनुगमन तथा निरीक्षण गर्दै नेपाली सेना जंगी अड्डा निरीक्षण महानिर्देशनालयका निरीक्षाधिकृत उपरथी श्रेष्ठले तत्काल तीन सय क्षमतासम्मको होल्डिङ सेन्टर सञ्चालन गर्ने निर्देशन दिएका छन् ।
‘कोरोना भाइरसको जोखिम बढ्दै गएकाले पूरै नभए पनि तीन सय क्षमतालाई सञ्चालन गर्न सकिन्छ,’ उनले भने, ‘१०/१५ दिनभित्र उक्त प्रयोगमा ल्याउनू ।’
होल्डिङ सेन्टरमा बेटमा मात्रै भएको भैरव प्रसाद गणका गणपति प्रमुख सेनानी (कर्णेल) जनमत कार्कीले बताए । ‘होल्डिङ सेन्टरमा बेट मात्र छन्,’ उनले भने, ‘औषधि उपचारका लागि आवश्यक मेडिकल सामग्री, भान्सा कोठा र शौचालयको आवश्यकता छ ।’
अहिले कोरोना भाइरस संक्रमितलाई बाल मन्दिरमा राख्ने गरिएको छ । बाँकेमा पछिल्लो समय दैनिकरुपमा कोरोना संक्रमित बढ्दै गएका छन् ।
प्रतिक्रिया दिनुहोस्