29 November 2021  |   सोमवार, मंसिर १३, २०७८

डडेलधुरा र डोटीमा अति भारी वर्षा, तटीय क्षेत्रमा सतर्कता अपनाउन आग्रह

मिसनटुडे संवाददाता
प्रकाशित मितिः सोमवार, कार्तिक १, २०७८  

काठमाडौं । डडेलधुरा, डोटी र आसपासका क्षेत्रमा पछिल्लो १२ घण्टामा अति भारी वर्षा भएको छ ।

ती क्षेत्रमा थप वर्षा हुने पूर्वानुमान रहेकाले रंगुन नदी तथा सो क्षेत्रका अन्य स–साना नदीहरूमा बाढी आउन सक्ने चेतावनी जारी गरिएको छ ।

जल तथा मौसम विज्ञान विभागको बाढी सूचना केन्द्रले रंगुन नदी तथा सो आसपासका तटीय क्षेत्रहरूमा उच्च सतर्कता अपनाउन आह्वान गर्दै सूचना गरेको छ ।

हाल बंगालको खाडीमा र मध्य भारतमा रहेका न्यूनचापीय प्रणाली र पश्चिमी वायुको संयुक्त प्रभाव नेपालमा परेको छ । त्यसैको कारण हाल देशको अधिकांश स्थानमा बदली छ ।

सुदूरपश्चिम, कर्णाली, लुम्बिनी र गण्डकी प्रदेशका केही स्थानमा र बाँकी प्रदेशका एकरदुई स्थानमा हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ । महाशाखाका अनुसार सुदूरपश्चिमको एकरदुई स्थानमा भारी वर्षा समेत भइरहेको छ ।

प्रकाशित मितिः सोमवार, कार्तिक १, २०७८     11:24:58 AM  |