मिसनटुडे संवाददाता
प्रकाशित मितिः सोमवार, अशोज २५, २०७८
कोहलपुर ।
बाँकेको कोहलपुर– ११ चौराहमा रहेको राम जानकी गौशालाबाट दुहुनो गाई हराएको छ ।
चर्न गएको बेला रातो रंगको दुहुनो गाई हराएको हो । नजिकै चर्न गएको बेला कसैले दुहुनो गाई समातेर दुध खानको लागि घरमा लगेको हुनसक्ने आशंका गरिएको छ ।
उक्त गाईलाई कोहलपुरका एक व्यक्तिले केही दिनको लागि पालिदिनको लागि गौशालामा ल्याएर छोडिदिएका थिए । हराएको गाईको बाँच्छी भने गौशालामा नै रहेको बताइएको छ ।
हाल गाईको खोजी भइरहेको र प्रहरीमा पशु चौपाय चोरीमा उजुरी गरिएकोले कोही कसैले हराएको रातो गाई देख्नुभएमा गौशाला तथा स्थानीय प्रहरीमा खबर गरिदिनुहुन गौशालाले सबैलाई आग्रह गरेको छ ।