मिसनटुडे संवाददाता
प्रकाशित मितिः आइतवार, अशोज २४, २०७८
नेपालगन्ज ।
बाँकेको नेपालगन्जमा आईतबार बिहानै गाडीको ठक्करबाट एक नाबालकको ज्यान गएको छ ।
नेपालगन्ज उप–महानगरपालिका वडा नम्बर १९ को कन्ठीपुरमा रहेको कालिका मन्दिर अगाडि कुखुरा बोक्ने गाडीको ठक्करबाट स्थानीय एक नाबालको ज्यान गएको हो । मृत्यु हुनेमा सोही ठाउँका अढाई वर्षीय सुशन सुनार रहेको जिल्ला प्रहरी कार्यालय बाँकेले जनाएको छ ।
खेलिरहेको अवस्थामा भे १ च २७३० नम्बरको कुखुरा बोक्ने गाडीले ठक्कर दिदाँ गम्भीर घाईते भएका सुनारको उपचारकै क्रममा भेरी अस्पताल नेपालगन्जमा मृत्यु भएको थियो ।
ठक्कर दिने गाडी र चालकलाई प्रहरीले नियन्त्रणमा लिएको छ ।