16 April 2024  |   बुधबार, बैशाख ५, २०८१

आमा बन्दै नायिका रञ्जना शर्मा ,सार्वजनिक गरिन् ‘बेबी बम्प’ तस्बिर

मिसनटुडे संवाददाता
प्रकाशित मितिः बुधबार, अशोज १३, २०७८  

नायिकाहरू हिजोआज सन्तान जन्माउन लागेको खुसीयाली सार्वजनिक गर्न व्यस्त छन् l केही समयअघि नायिकाहरू प्रियंका कार्की, रिचा शर्मा र गरीमा पन्तले गर्भवती अवस्थाको फोटो सार्वजनिक गरेका थिए l हाल यी तिनै नायिकाले सन्तानलाई जन्म दिइसकेका छन् l

अहिले नेपाली फिल्म उद्योगबाट निकै टाढा रहेकी अर्की नायिका रञ्जना शर्माले पनि यी तीन नायिकाहरूको पदचाप पछ्याएकी छिन् । एक दशक अघि पुगेकी रञ्जनाले बुधवार सामाजिक सञ्जालमार्फत आफू आमा बन्न लागेको जानकारी दिएकी हुन् ।

उनले ‘बेबी बम्प’ सहितको एक तस्बिर सार्वजनिक गरेकी छन् । कोरोना महामारीका कारण रञ्जना र निकेशले अनलाइनको माध्यमबाटै कानुनी विवाह गरेका थिए ।

रञ्जनाका दोश्रो पती हुन् निकेश l ‘गहना’ टेलिसिरियलबाट अभिनय करिअर सुरु गरेकी रञ्जनाले ‘कन्यादान, सलाम छ मायालाई, विरताको चिनो, मर्यादा, मौसम, बदमास’ लगायतका फिल्ममा अभिनय गरेकी छिन् ।

प्रकाशित मितिः बुधबार, अशोज १३, २०७८     4:47:54 PM  |