जन विश्वास सहकारी संस्थाको साधारण सभा

कोहलपुर ।

बाँकेको कोहलपुर २ सिद्धनगरमा रहेको जन बिश्वास बहुमुखी सहकारी संस्थाको १९ औं वार्षिक साधारण सभा सुरु गरेको छ । शनिबार ‘सहकारीमा सदस्य बनौं, व्यवसायमा हातेमालो गरौं’ भन्ने नारा लिएको सहकारी कोहलपुर नगरपालिकाका नगर प्रमुख लुट बहादुर रावतले १९ औं साधारण सभाको उद्घाटन गरेका थिए । साधारण सभा आगामी असोज ८ गतेसम्म चल्नेछ ।

यस्तै नगर प्रमुख रावतले उद्घाटनमा बोल्दै लगानीको वातावरण सिर्जना गरी उत्पादन मुलक क्षेत्रमा लगानी गर्नुपर्नेमा जोेड दिएका थिए । उनका अनुसार महामारीको अवस्थामा सहकारीमा आबद्ध सदस्यहरुको जिवन सञ्चालनको गतिलो माध्यम बनेको छ भने कर्जा प्रवाह गर्ने सहज र सजिलो माध्ययम भएको उनको भनाई थियो ।

यस्तै सहकारी संस्थाका अध्यक्ष होम प्रकाश सुवेदीले सहकारीमार्फत सहकारी बजार सञ्चालन गर्नु बाँकेमा उदारणीय काम भएको बताए । सहकारी संस्थाले सहकारी बजार सञ्चालन गर्ने निकै कठिन यात्रा पार गर्दै आएको थियो उनले भने शेयर सदस्यहरुलाई सहकारी बजारबाट समान किन्दा समानहरु शौलियतमा दिइन्छ ।

लकडाउनको कठिन परिस्थतीमा पनि सहकारी संस्थाका सदस्यहरुलाई आर्थिक संकट नपरोस भन्ने उदेश्यले जारी लकडाउनका बिच पनि स्वास्थ्य सुरक्षाको मापडण्ड अपनाई सेवा प्रवाह गरिरहेको बताए ।

यस्तै सहकारीका बजार व्यवस्थापक माधव पोख्ररेलले आर्थिक वर्ष २०७७/०७८ मा १ करोड ७५ हजार ४ सय ५७ रुपैयाको कारोबार गरेको र खुद नाफा २७ लाख ५० हजार १ सय ६ रुपैया रहेको बताए । यस्तै कार्यक्रममा जिल्ला सहकारी संस्थाका प्रेम सुवेदी, कोहलपुर सहकारी संजालका डोलराज अर्याल, संस्थाका सदस्यहरु, समाजसेवी लगायत उपस्थिति रहेको थियो ।