29 March 2024  |   शुक्रबार, चैत्र १६, २०८०

मधेसी मोर्चाका ४ नेतासहित ६ जना भैरहवाबाट पक्राउ

मिसनटुडे संवाददाता
प्रकाशित मितिः आइतवार, मंसिर २०, २०७२  

Madhesi-Morcha-leaders-arrested-from-Bhairahawa
२० मंसिर, भैरहवा । संयुक्त लोकतान्त्रिक मधेसी मोर्चामा आबद्ध दलका रुपन्देही जिल्ला नेतृत्वलाई प्रहरीले आइतबार पक्राउ गरेको छ ।

संघीय समाजवादी फोरम नेपालका रुपन्देही जिल्ला अध्यक्ष महेन्द्र यादव, तराई मधेस लोकतान्त्रिक पार्टीका जिल्ला अध्यक्ष अजय वर्मा, सदभावना राजेन्द्र महतो पक्षका केन्द्रीय उपाध्यक्ष ओमप्रकाश यादव (गुल्जारी) र तमसपाका रुपन्देही जिल्ला अध्यक्ष श्रीनिवास यादव पक्राउ परेका हुन् ।

नेपाल-भारत सीमामा पर्ने भैरहवाको बेलहिया नाकामा धर्ना दिन आएकाबेला उनीहरुलाई पक्राउ गरिएको जिल्ला प्रहरी कार्यालय रुपन्देहीका डिएसपी रामेश्वर कार्कीले जानकारी दिए ।

जिल्ला नेताहरुको साथबाट कार्यकर्ताहरु गणेश पाल र राजकुमार सिंह पनि पक्राउ परेका डिएसपी कार्कीले बताए ।

प्रकाशित मितिः आइतवार, मंसिर २०, २०७२     4:29:45 PM  |