1 December 2020  |   मङ्लबार, मंसिर १६, २०७७

नाइजेरियामा आत्मघाती बम आक्रमणमा परी ५५ जनाको मृत्यु

मिसनटुडे संवाददाता
प्रकाशित मितिः मङ्लबार, पुस १४, २०७२  

काठमाडौं, पुस १४ । नाइजेरियाको उत्तरपूर्वी क्षेत्रमा भएको आत्मघाती बम आक्रमणमा कम्तिमा ५५ जनाको मृत्यु भएको छ । महिला आत्मघाती आक्रमणकारीले अदामावा र बोर्नो राज्यमा  गरेको छुट्टाछुट्टै बम आक्रमणमा ५५ जनाभन्दा बढीको मृत्यु भएको हो ।

अदामावा राज्यको मदागली शहरको एक व्यस्त बजारमा भएको आक्रमणमा २५ जनाको मृत्युभएको छ । यस्तै बोर्नोको मइदुगुरीमा भएको बम आक्रमणमा ३० जनाभन्दा बढीको ज्यान गएको अधिकारीहरुले जनाएका छनु ।

मइदुगुरीका विभिन्न ठाउँमा बम विस्फोट भएको थियो । विस्फोटमा परी एक सयभन्दा बढी घाइते भएका छन् । गत हप्ता नाइजेरिया सरकारले विद्रोही संगठन बोको हरामविरुद्धको युद्ध प्राविधिकरुपमा जितेको घोषणा गरेको थियो ।

यो आक्रमण पनि बोको हरामले नै गरेको आशंका गरिएको छ । विस्फोटपछि सेनाले जवाफी कारबाही गरेको थियो । त्यस क्रममा १० जना संदिग्ध आत्मघाती आक्रमणकारी मारिएको सेनाले जनाएको छ । (एजेन्सी)

प्रकाशित मितिः मङ्लबार, पुस १४, २०७२     9:59:25 AM  |

Leave a Reply

Your email address will not be published. Required fields are marked *