नेपालगञ्ज ।
भारतबाट भन्सार छली गरी ल्याउँदै गरेको अवस्थामा सशस्त्र प्रहरीले नेपालगञ्ज उप–महानगरपालिका १५ बाट विभिन्न सामानहरु बरामद गरेको छ ।
नेपाल भारत सीमाको दशजगा नजिकै टंकपसेरीबाट सशस्त्र प्रहरी ६३ हजार बढी मुल्यको अवैध सामान बरामद गरेको हो ।
सशस्त्र प्रहरी सहायक निरीक्षक सन्तोष शर्माको नेतृत्वमा गएको गस्ती टोलीले ६३ हजार बढीको भन्सार छली गरेर ल्याउँदै गरेको सामान नियन्त्रणमा लिएको विओपीका प्रमुख सशस्त्र प्रहरी निरीक्षक जिवनलाल बुढाले जानकारी दिए ।
शसस्त्रको गस्ती टोलीलाई देख्ने वित्तिकै तस्करहरुको समूह सामान छोडेर भारततर्फ भागेको थियो । बरामद गरिएको साम्रगीमा स्वीट सुपारी, बिडी, कमला पसन, रजनी गन्धा लगायतका सुर्तीजन्य साम्रगीहरु रहेका छन् ।
बरामद गरिएका समानहरुलाई आवश्यक कारबाहीका लागि नेपालगञ्ज भन्सार कार्यालयमा बुझाइएको सशस्त्र प्रहरी निरीक्षक बुढाले जानकारी दिए ।










प्रतिक्रिया दिनुहोस्