कोहलपुर :
बाँकेको कोहलपुर नगरपालिकाका चार वटै नाकामा सेना परिचालन गरिएको छ ।
प्रत्येक दिन समुदाय स्तर मै कोरोना देखिन थालेसँगै सबै सेवा बन्द गरेर सेना परिचालन गरिएको हो ।
साउन ३१ गते नगरपालिकामा बसेको सर्बदलीय बैठकले भाद्र २५ गते सम्म नगरपालिकाका सम्पूर्ण सेवा बन्द गर्ने निर्णय गरेको थियो ।
सोही अनुसार सोमबार देखि बन्दलाई थप कडाई गरिएको हो ।
आवातजावत पूर्ण रुपमा बन्द गरिएको नगरपालिकाले जनाएको छ ।
नगरप्रमुख लुट बहादुर रावतले समुदाय स्तर मै कोरोना देखिन थालेपछि बन्द कडाई गर्नको लागि सुरक्षाकर्मी परिचालन गरिएको बताएका छन् ।
प्रकाशित मिति : २०७७ भदौ १ गते सोमबार










प्रतिक्रिया दिनुहोस्