जिप दुर्घटनामा परी पश्चिचम नवलपरासीको प्रतापपुर गाउँपालिकाका अध्यक्ष राजकुमार शर्माको मृत्यु भएको छ ।
नवलपरासीका प्रमुख जिल्ला अधिकारी सागरमणी पाठकका अनुसार गाउँपालिका कार्यालयबाट जिल्ला विपद् व्यस्थापन समितिको परासीमा राखिएको बैठकमा सहभागी हुन जाने क्रमममा जिप दुर्घटना हुँदा उहाँको मृत्यु भएको हो ।
लु १ झ ३७० नम्बरको जिप बर्दघाटको लक्ष्मीनगर पुलदेखि तल खोलामा खसेर दुर्घटना भएको उहाँले जानकारी दिनु भयो । दुर्घटनामा घाइते भएका शर्मालाई उपचारका लागि चिसापानी अस्पतालमा लगिए पनि अस्पतालले उहाँको मृत्यु भएको घोषणा गरेको प्रजिअ पाठकले जानकारी दिनु भयो ।
शर्मासँगै कारमा सवार प्रतापपुर गाउँपालिका वडा नम्बर ५ का हरिलाल राजभर घाइते भएका छन् । उहाँ खतरामुक्त रहेको प्रजिअ पाठकले जानकारी दिनु भयो ।
प्रकाशित मिति : २०७७ जेठ ३२ गते आइतबार









प्रतिक्रिया दिनुहोस्