जङ्गली च्याउ खाँदा तीनको मृत्यु

दाङ/  दाङको घोराही उपमहानगरपालिका वडा नम्बर १९ मा जङ्गली च्याउको तरकारी खाँदा अहिलेसम्म तीन जनाको मृत्यु भएको छ ।

सैघा पाँचपोखरी निबासी ५ वर्षीया प्रशंसा घर्ती, १९ वर्षीय बालाराम घर्ती र ४० वर्षीय चित्रबहादुर घर्तीको मृत्यु भएको वडा अध्यक्ष हर्कबहादुर घर्तीले जानकारी दिए ।

असार २६ गते जंगलबाट ल्याएको च्याउको बेलुका तरकारी खाएर बिरामी परेको उनीहरुको उपचारका क्रममा मेडिकल कलेज कोहलपुरमा मृत्युभएको हो ।

अन्य बिरामीहरु मिनराज घर्ती, धनकली घर्ती, गोमा घर्ती र यसुरा घर्तीको कोहलपुरमै उपचार भैरहेको प्रहरीले जनाएको छ ।