17 April 2024  |   बुधबार, बैशाख ५, २०८१

गाउँको उत्पादन प्रचारप्रशार गर्ने कृषि प्रमुख

मिसनटुडे संवाददाता
प्रकाशित मितिः आइतवार, माघ २१, २०८०  

नेपालगन्ज।
कार्यालयको काम सकेपछि पनि कृषकका खेतमा पुगेर यसरी कृषिका विषयमा गफिनु एकराज ओलीका लागि दैनिकी बनेको छ । बर्दियाको मधुवन नगरपालिकाको कृषि शाखा प्रमुख ओली गाउँमा कृषक र गाउँका रैथाने उत्पादन युट्युव र फेसबुकमार्फत देश दुनियाँमा पु¥याउने व्यक्तिका रूपमा परिचित छन् ।

मधुवन–९ कै स्थानीय ओलीलाई अन्य सरकारी कर्मचारी जस्तो डिउटी पूरा गरेपछि हाइसन्चो हुँदैन । दिनभर कार्यालयको काम सकेपछि पनि कृषि कर्ममा निरन्तर जुटिरहन्छन् । उनले आफैँ १८ कठ्ठा जमिनमा खेतीकिसानी गरिरहेका छन् भने अरू कृषकको खेत–खेतमा पुगेर सरसल्लाह दिइरहन्छन् ।

ओलीको व्यस्तता यतिमै सकिँदैन । खेतीकिसानीको भिडियो खिचेर फेसबुक र युट्युबमा हाल्छन् । विशेषगरी स्थानीय रैथाने बालीहरू आलु, सिमल तरुल, अनदि धान, लसुन जस्ता कृषि उत्पादनका बारेमा अरूलाई जानकारी दिन्छन् । यसो गर्दा स्थानीय उत्पादनको बजारीकरणमा फाइदा पुगेको उनको भनाइ छ । थारू आलुको ब्रान्डिङले त यसको बिक्री वितरण धेरै बढाएको छ ।

उनी आफैँले थारू आलु लगाएका छन् भने अरूलाई पनि थारू आलु लगाउन प्रोत्साहन गरिरहेका छन् । बजारीकरण गरेका कारण थारू आलुको माग बढेको छ । एउटा सरकारी कर्मचारीले गर्ने प्रेरणादायी कामले समाजलाई कति फाइदा पु¥याउँछ भन्ने उदाहरण बनेका ओलीले नेपालका कृषक र कृषिको समस्या मात्रै होइन सम्भावनाका बारेमा स्थानीयसँग भलाकुसारी गर्छन् ।

नेपालमा कृषिमा समस्या मात्रै होइन समाधान पनि रहेकाले त्यसतर्फ कृषकलाई लैजानुपर्ने उनको कथन छ ।

प्रकाशित मितिः आइतवार, माघ २१, २०८०     9:38:19 AM  |