16 April 2024  |   बुधबार, बैशाख ५, २०८१

चिसोबाट बच्न नगरपालिकाद्धारा १५ वडामैँ दाउरा वितरण

मिसनटुडे संवाददाता
प्रकाशित मितिः बिहिबार, माघ ४, २०८०  

कोहलपुर।
चिसो बढेसँगै कोहलपुर नगरपालिकाले चिसोबाट बच्न १५ वटै वडामा दाउरा वितरण गरेको छ । नगरपालिका भित्र रहेका सबै वडाका मुख्य चोकहरुमा दाउरा वितरण गरेर आगो ताप्ने व्यवस्थापन गरिएको नगरपालिकाले जनाएको छ ।

पछिल्लो समय चिसो ह्त्तै बढे पछि बालबालिका, बृद्धबृद्धा, सुत्केरी महिलाहरु प्रभावित भएका थिए । सो चोसो बाट जोगाउँन नगरपालिका भित्र रहेका वडाहरुको करिब ९५ स्थानमा दाउरा वितरण गरिएको नगर प्रहरी विर बहादुर थापाले जानकारी दिए ।

सडक पिच भएको वडामा अर्थात् ठाउँहरुमा आगो बाल्न नमिल्ने भएकाले मकल ÷ड्रम को व्यवस्थापन गरी आगो ताप्ने व्यवस्थापन गरिएको बताए । नगरपालिका र वडाका मुख्य चोक,मठ मन्दिर,जेष्ठ नारिक केन्द्र, प्रतिक्षालय,चौतारा लगायतमा आगो ताप्ने व्यवस्थापन गरिएको उनले बताए ।

हुस्सु ,कुहिरो ,सितलहर र चिसो बढ्दै गएकाले थप दाउरा वितरण गर्ने जानकारी दिए । अहिले दाउरा वितरण गरेर आगो ताप्ने व्यवस्थापन गरे पछि केही मजदुर,वटुवा लगायतलाई केही राहत मिलेको छ ।

प्रकाशित मितिः बिहिबार, माघ ४, २०८०     9:35:10 AM  |