23 July 2024  |   मङ्लबार, साउन ८, २०८१

कोहलपुरमा मनाइँदै प्याब्सनको स्थापना दिवस

मिसनटुडे संवाददाता
प्रकाशित मितिः सोमवार, पुस २३, २०८०  

कोहलपुर।
निजी तथा आवासीय विद्यालय अर्गनाइजेसन, नेपाल (प्याब्सन) बाँकेले ३३औँ स्थापना दिवस भोली मनाउँदै छ । प्याब्सन बाँकेले आफ्नो ३३औँ स्थापना दिसव २४ गते मंगलबार कोहलपुरमा मनाउन लागेको हो । ३३औँ प्याब्सन स्थापना दिवस्, शिक्षक सम्मान कार्यक्रम तथा विविध कार्यक्रम गरी मनाइने आइतबार पत्रकार सम्मेलन गर्दै प्याब्सन बाँकेले जानकारी दिएको छ ।

प्याब्सन बाँकेका अध्यक्ष यम रावतले पहिलोपटक ऐतिहासिक रूपमा कोलपुरमा खुला चौरमा स्थापना दिवस मनाउन लागिएको बताए ।
देशको भन्डैं ३१ प्रतिशत शिक्षामा राज्यलाई निजी विद्यालयहरूले सहयोग गर्दै आएको उनले दाबी गरे । ‘देशको टोटल राजस्व संकलनमा ७ प्रतिशत राजस्व सहयोग निजी विद्यालयहरूले गर्दै आएका छन्,’ उनले भने, ‘३ लाखभन्दा बढीलाई रोजगारी पनि दिँदै आएका छौँ ।’

निजी स्रोत र व्यस्थापनबाट सञ्चालित निजी विद्यालयहरूको संरक्षकको रूपमा देशभर छरिएर रहेका निजी विद्यालयलाई एउटै छातामुनि ल्याउने उद्देश्यले २०४७ सालमा प्याब्सनको स्थापना गरिएको उनले जानकारी दिए । ११ हजार निजी विद्यालयहरूमध्ये बाँकेमा १ सय २४ विद्यालय प्याब्सनमा आबद्ध रहेका छन् । अन्तर्राष्ट्रिय रूपमा प्रतिस्पर्धा गर्न सक्ने दक्ष र सक्षम विद्यार्थीहरू उत्पादन गर्ने प्रत्येक विद्यालयका एक जना शिक्षकलाई सो अवसरमा सम्मान गरिने उनले जानकारी दिए ।

३३औँ स्थापना दिवस फरक तरिकाले मनाउन लागिएको उनले बताए । सो कार्यक्रममा मेयर आचार्यले मात्रै सम्बोधन गर्नेछन् ।
विविध सांस्कृतिक कार्यक्रम, विज्ञान प्रदर्शनी, र अतिरिक्त क्रियाकलापमा उत्कृष्ट विद्यार्थीलाई पुरस्कार वितरणलगायतका कार्यक्रम रहेको पत्रकार सम्मेलनमार्फत जानकारी दिइएको थियो ।

प्रकाशित मितिः सोमवार, पुस २३, २०८०     7:22:19 AM  |