बाँके ।
बर्दियाको बाँसगढी नगरपालिका–८ लक्ष्मणा चोकनजिकै गाडीको ठक्करबाट एक साइकल यात्रीको मृत्यु भएको छ ।
भे१ख ३५५९ नम्बरको गाडीले ठक्करबाट साइकलमा सवार गुलरिया नगरपालिका–१ का ७० वर्षीय हेलुवा थारूको मृत्यु भएको हो ।
अचेत रहेका थारूलाई उपचारका लागि नेपालगन्ज मेडिकल कलेज शिक्षण अस्पताल कोहलपुर पु¥याए पनि चिकित्सकले मृत घोषणा गरेको इलाका प्रहरी कार्यालय बाँसगढीले जनाएको छ ।
ठक्कर दिने गाडी र चालक दैलेख दुल्लु नगरपालिका–१ का ३२ वर्षीय सुरेन्द्र थापालाई बाँसगढी प्रहरीले नियन्त्रणमा लिएको छ ।
प्रकाशित मिति : २०८० पुस १ गते आइतबार
प्रतिक्रिया दिनुहोस्