बाँसगढी– ७ को वडा कार्यालय भवनको शिलान्यास

बाँसगढी ।

बाँसगढी नगरपालिका वडा नम्बर ७ को वडा कार्यालय भवनको शुक्रबार शिलान्यास गरिएको छ । बाँसगढी नगरपालिकाका मेयर खड्कबहादुर खड्काले सो भवन शिलान्यास गरेका हुन् ।

भवनको शिलान्यास गर्दै मेयर खड्काले वडा कार्यालयको भवन निर्माणपछि जनतालाई सेवा दिन थप सहज हुने बताए । नगरपालिकाले अहिले ३० लाख रुपैयाँ विनियोजना गरेको र पछि आवश्यकता अनुसार बजेट हालिने उनले बताए ।

भवन निर्माणको जिम्मा आरसी निर्माण सेवाले पाएको छ ।

दुई तलाको सात कोठे भवनमा ६ कोठा, एक हल, शौचालय तथा पर्खालसहितको संरचना निर्माणकार्य आगामी जेठसम्म सम्पन्न गर्नेगरी सम्झौता भएको बाँसगढी नगरपालिकाका इन्जिनियर बलराम पौडेलले जानकारी दिए ।