बाँके ।
कोहलपुरको चप्परगौडीमा धारिलो हतियार प्रहार गरिएको अवस्थामा एक युवा फेला परेका छन् । बुधबार राति धारिलो हतियार प्रहार गरि गम्भीर घाइते अवस्थामा परिवारका सदस्यहरूले युवालाई फेला पारेका हुन् ।
गम्भीर घाइते अवस्थामा फेला परेका युवा कोहलपुर– १२ बस्ने २९ वर्षीय मीन बहादुर विक रहेको इलाका प्रहरी कार्यालय कोहलपुरले जनाएको छ ।
आफन्तले गम्भीर घाइते अवस्थामा विकलाई फेला पारी उपचारका लागि नेपालगन्ज मेडिकल कलेज शिक्षण अस्पताल कोहलपुर पु¥याएपनि चिकित्सकले थप उपचारका लागि नेपालगन्ज नर्सिङहोममा रिफर गरेका थिए ।
आफन्तका अनुसार विकको दाहिने खुट्टा, टाउको र दुबै हातमा गहिरो रूपमा काटिएको छ । उनले अवस्थामा गम्भीर रहेको उपचारमा संग्लन चिकित्सकले जनाएका छन् ।
विकलाई धारिलो हतियार प्रयोग गरेर फरार हुनेको खोजीका लागि इलाका प्रहरी कार्यालय कोहलपुरले प्रहरी परिचालन गरिसकेको जनाएको छ ।
प्रतिक्रिया दिनुहोस्