कोहलपुर (बाँके) ।
संयुक्त भूतपूर्व सैनिक कल्याणकारी महासंघले नेपालमा बसोबास गर्ने सम्पूर्ण भारतीय पूर्वसैनिकहरूको तर्फबाट भूकम्प पीडितहरूलाई खाद्यान्न सामग्री सहयोग गरेको छ ।
महासंघले जिल्ला प्रशासन कार्यालय जाजरकोटको समन्वयमा बिहीबार पीडितहरूलाई राहत सामग्री हस्तान्तरण गरेको हो ।
सेवा नै धर्म हो भन्ने मूल मन्त्रलाई आत्मासात् गर्दै पीडितहरूलाई खाद्यान्न प्याकेट हस्तान्तरण गरिएको महासंघका कोषाध्यक्ष क्याप्टेन कृष्ण बहादुर थापाले जानकारी दिए ।
विपद्का बेला कोही पनि भोको बस्न नपरोस् भन्ने उद्देश्यले खाद्यान्न सामग्री हस्तान्तरण गरिएको उनले बताए । महासंघले चामल, दाल, तेल, चाउचाउ, बिस्कुटलगायतका सामग्री वितरण गरेको थियो ।
प्रकाशित मिति : २०८० कात्तिक २५ गते शनिबार
प्रतिक्रिया दिनुहोस्