19 June 2024  |   बुधबार, असार ६, २०८१

पौडेल वंश बाँकेको शुभकामना आदान–प्रदान

मिसनटुडे संवाददाता
प्रकाशित मितिः आइतवार, कार्तिक १९, २०८०  

कोहलपुर ।

पौडेल वंश महासंघ बाँकेले आसन्न पर्वहरू दीपावली, छठ, नेपालसम्वत्का अवसरमा शुभकामना आदान–प्रदान तथा चियापान समारोहको आयोजना गरेकोे छ ।

महासंघका केन्द्रीय उपाध्यक्ष हरिराम पौडेलको प्रमुख आतिथ्यमा सम्पन्न कार्यक्रमको अध्यक्षता जिल्ला अध्यक्ष लोकनाथ पौडेलले गरेका थिए ।

समारोहमा जाजरकोट र रुकुम पश्चिममा भूकम्पमा परी ज्यान गुमाउनेहरूप्रति हार्दिक श्रद्धाञ्जली व्यक्त गर्दै घाइतेहरूको शीघ्र स्वास्थ्यलाभको कामना गरिएको थियो ।

त्यसैगरी पौडेल वंशावली लेख्ने र आगामी राष्ट्रिय महाधिवेशन कोहलपुरमा गर्ने विषयमा पनि कार्यक्रममा छलफल गएिको थियो ।

महासंघका प्रदेश सदस्य जयश्वेर पौडेलले स्वागत मन्तव्य राखेको सो कार्यक्रममा भूकम्पपीडितहरूलाई राहत उपलब्ध गराउने विषयमा पनि छलफल भएको बाँके जिल्ला सचिव अर्जुन पौडेलले जानकारी दिए ।

प्रकाशित मितिः आइतवार, कार्तिक १९, २०८०     8:30:44 AM  |