छिन्चुको मसिनामा मोटरसाईकल दुर्घटना हुँदा चालकको मृत्यु

सुर्खेत ।

रत्न राजमार्गको छिन्चु–वीरेन्द्रनगर सडक खण्डको भेरीगंगा नगरपालिका–१२ को मसिना नजिकै मोटरसाईकल दुर्घटना हँुदा एक जनाको ज्यान गएको छ ।

दुर्घटनामा गुर्भाकोट नगरपालिका–८ निवासी ४२ वर्षीय उदय थापाको मृत्यु भएको इलाका प्रहरी कार्यालय छिन्चुले जनाएको छ ।

मंगलबार दिउँसो करिब २ बजेको समयमा मेहेलकुनाबाट सुर्खेतको वीरेन्द्रनगर जाँदै गरेको थापा सवार भे ७ प ५८९२ नम्बरको मोटरसाईकल दुर्घटनामा परेको थियो ।

दुर्घटना लगत्तै थापालाई उपचारको लागि प्रदेश अस्पताल कालागाँउ लगिएको र उपचारकै क्रममा मृत्यु भएको प्रहरीले जनाएको छ । यसबारे प्रहरीले थप अनुसन्धान अगाडि बढाएको जनाएको छ ।