कोेहलपुर ।
कोेहलपुर नगरपालिकामा विगत तीन आर्थिक वर्षमा १ करोड बढी रकम इन्धनमा खर्च भएको छ । कार्यालय, अन्य प्रयोजन र कुपन वितरणमा पछिल्ला तीन आर्थिक वर्षमा कूल १ करोड ६ लाख रुपैयाँ इन्धनमा खर्च भएको हो ।
आर्थिक वर्ष २०७६/०७७ मा ३३ लाख रुपैयाँ पेट्रोल र डिजेलमा खर्च भएको कोहलपुर नगरपालिकाले जनाएको छ । आर्थिक वर्ष २०७७/०७८ मा इन्धन खर्च बढेर ३५ लाख पुगेको थियो । गत आर्थिक वर्ष २०७८/०७९ मा बढेर ३८ लाख रुपैयाँ खर्च भएको बताइएको छ ।
सबैभन्दा धेरै खर्च कार्यालय प्रयोजनको लागि भएपनि कर्मचारी, जनप्रतिनिधि र अन्य व्यक्तिले समेत इन्धनको कुपन लिएर फजुल खर्च गरेको बताइएको छ । कोहलपुर नगरपालिकाकाअनुसार अब कसैले पनि व्यक्तिगत रुपमा पेट्रोल, डिजेल पाउने छैनन् ।
प्रकाशित मिति : २०७९ साउन १६ गते सोमबार
प्रतिक्रिया दिनुहोस्