मिसनटुडे संवाददाता
प्रकाशित मितिः शुक्रबार, जेष्ठ १४, २०७८
नेपालगञ्ज ।
बाँकेको नेपालगञ्जस्थित भेरी अस्पतालका स्वास्थ्यकर्मी आन्दाेलित बनेका छन् । कोरोना संक्रमितको मृत्यु भएपछि मृतकका आफन्तले स्वास्थ्यकर्मी र चिकित्सकमाथि कुटपिट गरेकाे घटनाकाे विराेधमा उनीहरूले आज प्रदर्शन गरेका हुन् ।
मृतकका आफन्तले लखेटेपछि ज्यान जोगाउन तीन जना नर्सले अस्पतालको दुई तलमाथिबाट हाम फालेका थिए ।
मृतकका आफन्तले भेन्टिलेटरसमेत तोडफोड गरेको थिए । बिरामी कुरुवाको आक्रमणमा परी चार जना नर्सिङ स्टाफ र एक जना चिकित्सक घाइते भएको अस्पतालले जनाएको छ । घटनालगत्तै प्रहरीले तीन जनालाई पक्राउ गरेको छ भने अन्यको खोजी भइरहेकाे जनाइएकाे छ ।
के स्वास्थ्यकर्मीले सधैं कुटाइ नै खाने हाे ? नाे सेक्युरिटी, नाे वर्क लेखिएका प्लेकार्ड बाेकेर भेरी अस्पतालका स्वास्थ्यकर्मीले विराेध प्रदर्शन गरेका हुन् ।
तस्वीरहरूः विमल चन्द