भारतीय समकक्षीलाई राष्ट्रपति भण्डारीकाे पत्र : खाेप उपलब्ध गराउन पहल गरिदिनुहाेस्



काठमाण्डाै – राष्ट्रपति विद्यादेवी भण्डारीले नेपाललाई काेराेना भाइरसविरुद्धकाे खाेप उपलब्ध गराउनका लागि पहल गरिदिन भारतीय राष्ट्रपति रामनाथ काेविन्दलाई पत्र पठाउनुभएकाे छ ।

राष्ट्रपति भण्डारीले कुटनीतिक माध्यममार्फत भारतका राष्ट्रपति कोविन्दलाई नेपालमा खोप उपलब्ध गराउनको लागि पहल गर्न आग्रह गरेको उहाँकाे सचिवालयले जनाएको छ ।

पत्रमा राष्ट्रपति भण्डारीले नेपालमा कोरोना भाइरसको रोकथाम र नियन्त्रणमा भारतले गरेको सहयोगलाई लिएर धन्यवाद दिँदै तत्काल खोप उपलब्ध गराउन पहल गरिदिन आग्रह गर्नुभएको छ ।
राष्ट्रपति भण्डारीले आज एकै दिन दुई छिमेकी देशका समकक्षीसँग खोप उपलब्ध गराउन आग्रह गर्नुभएको थियो । राष्ट्रपति भण्डारीले चिनियाँ राष्ट्रपति जिनपिङसँग झन्डै पौने एक घण्टा टेलिफोनमा कुराकानी गर्नुभएको थियो ।

टेलिफाेनका क्रममा चिनियाँ राष्ट्रपति सी जिनपिङले नेपाललाई अनुदान सहायतामा १० लाख डाेज खाेप उपलब्ध गराउने घाेषणा गराउनुभएकाे छ ।

  • No tags available
प्रकाशित मिति : २०७८ जेठ १२ गते बुधबार