कोहलपुर ।
रत्न राजमार्ग अन्तरर्गत बाँकेको बैजनाथ गाउँपालिका, १ चिसापानी नजिकै जीप र ट्रक ठोक्किएका छन् ।
बुधबार दिउँसो निकुञ्जको सुरक्षार्थ खटिएको नेपाली सेनाको चेकपोष्ट भन्दा करिब २ किलोमिटर सुर्खेततर्फ जीप र ट्रक ठोक्किएका जिल्ला ट्राफिक कार्यालय बाँके कोहलपुरले जनाएको छ ।
लु २ च २९ ३६ नम्बरको जीप नेपालगञ्जबाट जाजरकोटको जुनिचाँदे गाउँपालिकाको लागि स्वास्थ्य सामग्री लिएर जाँदै गरेको थियो । ओभर टेक गर्ने क्रममा ट्रकले मोडमा जीपलाई अगाडीबाट ठक्कर दिएको बताइएको छ ।
ठक्करबाट जीप अगाडीमा भागमा क्षती पुगेको छ । दुर्घटनामा परेर जीपमा सवार केही मानिसहरु सामान्य घाइते भएको चिसापानी प्रहरीले जनाएको छ ।
दुर्घटनामा परेर जुनिचाँदेका स्वास्थ्य संयोजक प्रेम बहादुर शाही र जीप चालक सामान्य घाइते भएको ईलाका प्रहरी कार्यालय कोहलपुरले जनाएको छ ।
दुर्घटनापछि जीपमा रहेको स्वास्थ्य सामग्री अर्को गाडीमा राखेर जाजरकोट पठाइएको प्रहरीले जनाएको छ । केही दिनअघि मात्र नेपालगञ्जबाट अक्सिजन लिएर दाङ जाँदै गरेको जीप बाँकेको अगैया दुर्घटनामा परेको थियो ।