कोहलपुर ।
बाँकेको राप्तीसोनारी गाउँपालिका ८ नयाँ गाउँमा सोमबार आगलागी हुँदा ३ वटा घर जलेर नष्ट भएका छ्न । सोमबार दिउँसो करिब ३ बजे तिर आगलागी हुँदा स्थानीय रंगीलाल थारू, नन्दु चौधरी र राजकुमार थारूको भान्साघर जलेर नष्ट भएकाे ढकेरी प्रहरी बिटका इन्चार्ज प्रहरी सहायक निरीक्षक कुल बहादुर बमले जानकारी दिए ।
आगलागीबाट खाद्यान्न, लत्ताकपडा, भाडाकुडा र घरमा राखिएको काठ जलेर नष्ट भएको बताईएकाे छ । नजिकै रहेको वनस्पति उद्यन (ढकेरी पार्क)मा लागेको आगो घरमा सल्किएर आगलागी भएकाे प्रहरीले जनाएको छ ।
प्रहरी सहायक निरीक्षक बमको सक्रियतामा कोहलपुर नगरपालिकाबाट दमकल मगाएर करिब एकघन्टा पछि आगो नियन्त्रणमा लिईएको थियोे । हामी तत्काल घटना स्थलमा पुगेर मानव र पशुपक्षीको उद्दार गर्न सफल भएका छौं । वमले भने ।
आगलागी भएको स्थानमा राप्तीसोनारी गाउँ पालिका उपाध्यक्ष धनीकुमारी खत्रीले स्थलगत निरीक्षण गरेकी छिन । अनुगमनका क्रममा खत्रीले आगलागी पिडितहरूलाई तत्काल राहतकाे ब्यवस्था गर्ने प्रतिवद्दता जनाएकि छिन ।
तस्बिर साैजन्य : कबिन्द्र परियार